Ban Aai Teri Shafaat Se Ro Siyahon Ki

Ban aai teri shafaat se ro siyahon ki

Ke fard daakhil daftar hui gunahon ki

Tere faqeer dikhayen jo martaba apna

Nazar se utre chadhi baragah shahoon ki

Zara bhi chashm karam ho to le uren hoorain

Samajh ke surma siyahi mere gunahon ki

Khushha naseeb jo teri gali mein dafn hue

Jinan mein roohain hain un maghfirat panahoon ki

Farishtay karte hain daaman zulfe hoor se saaf

Jo gurd partihai us rozay par nigaahon ki

Rukegi aa ke shafaat teri khareedari

Khulen gi hashr mein jab gutthediyan gunahon ki

Main naatwan hoon pohnchun ga aap tak kiun kar

Ke bheed hogi qayamat mein uzar khwahoon ki

Nigah-e-lutf hai lazim ke door ho yeh maraz

Daba rahi hai siyahi mujhe gunahon ki

Khuda karim, Muhammad ﷺ shafee roz-e-jaza

Amir kya hai haqeeqat mere gunahon ki