Badl Ya Fard Jo Kamil Hai Ya Ghaos
Badl Ya Fard Jo Kamil Hai Ya Ghaos
Badl ya fard jo kamil hai ya Ghaos
Tire he dar se mustakmil hai ya Ghaos
Jo teri yaad se zahil hai ya Ghaos
Wo zikrullah se ghafil hai ya Ghaos
Ana al-sayyaaf se jahil hai ya Ghaos
Jo tere fazl par sail hai ya Ghaos
sakhan hain asfiya to maghz-e-maani
Badan hain awliya to dil hai ya Ghaos
Ager wo jism-e-irfaan hain to tu aankh
Ager wo aankh hain to til hai ya Ghaos
Uluhiat nabuwat ke siwa tu
Tamam afzal ka qabil hai ya Ghaos
Nabi ke qadmoun par hai juz-e-nabuwat
Ke khatam is raah mein haail hai ya Ghaos
Uluhiat hi Ahmad ne na pai
Nabuwat hi se tu aatil hai ya Ghaos
Sahabiyat hui phir tabiiyat
Bus agay Qadri manzil hai ya Ghaos
Hazaroun tabi'i se tu fazoon hai
Wo tabqa mujmalan fazil hai ya Ghaos
Raha maidan o shehristan-e-irfaan
Tera ramna teri mehfil hai ya Ghaos
Ye Chishti Sahrwardi Naqshbandi
Har ik teri taraf mael hai ya Ghaos
Teri chiriyan hain tera daana paani
Tera mela teri mehfil hai ya Ghaos
Inhein to Qadri baait hai tajdeed
Wo haan khati jo mustabdil hai ya Ghaos
Qamar par jaise khor ka yun tera qarz
Sab ahl-e-noor par fazil hai ya Ghaos
Ghalat karram to wahib hai na muqriz
Teri bakhshish tera nail hai ya Ghaos
Koi kya jane tere sir ka rutba
Ke talwa taj-e-ahl-e-dil hai ya Ghaos
Mashayikh mein kisi ki tujh pe tafzil
Bihukm-e-awliya batil hai ya Ghaos
Jahan dushwaar ho wahm-e-musaawat
Ye jurrat kis qadar haail hai ya Ghaos
Tere khuddam ke aage hai ik baat
Jo aur aqtab ko mushkil hai ya Ghaos
Use idbaar jo mudbir hai tujh se
Wo zi iqbal jo muqbil hai ya Ghaos
Khuda ke dar se hai matrud o makhzool
Jo tera taarak o khadheel hai ya Ghaos
Sitam kori wahabi Rafzi ki
Ke hindu tak tera qail hai ya Ghaos
Wo kya jaane ga fazl-e-Murtaza ko
Jo tere fazl ka jahil hai ya Ghaos
Raza ke samne ki tab kis mein
Falak waar is pe tera zil hai ya Ghaos