Kalams Page

Amr Moula Ali Hai

Poet: Ashfaq Ahmad Ghauri | Book: Angbeen-e-Sanaa | Type: Manqabat

Amr Moula Ali Hai


Amr Moula Ali hai
Qamar Moula Ali hai

Samar Shabbir o Shabbir
Shajar Moula Ali hai

Kabhi ne peeth de ga
Agar Moula Ali hai

Hain Shehr-e-Ilm Aaqa
To dar Moula Ali hai

Idhar hai be guman Haq
Jidhar Moula Ali hai

Shaheed-e-Karbala ka
Padar Moula Ali hai

Durakhshaan aur tabaan
Gahar Moula Ali hai

Agar manzil hain aaqa
Dagar Moula Ali hai

Wahi hai Sher-e-Yazdaan
Nadar Moula Ali hai

Meri teerah shabi ki
Sahar Moula Ali hai