Allah Re Tere Dar O Diwar, Madina

Allah re tere dar o diwar, Madina

Sar ta ba qadam sab hain par anwar, Madina!

Dunya mein hai tu rehmat-e-Baari ka waseela

Har dam yeh samajhte hain gunahgaar, Madina!

Zarre hain tere charkh ke tabinda sitare

Firdous bhi hai teri talabgaar, Madina!

Seenay pe tere naqsh-e-kaf-e-paye Nabi hai

Godon mein sadaqat ke hain abhaar, Madina!

Firdous ka manzar nazar aaye use pheeka

Ek baar jo dekhe tera gulzaar, Madina

Aaghosh-e-mohabbat mein talabgaar-e-sukoon hai

Madaah tera Akhtar-e-nachaar, Madina!