Allah Ne Yun Shan Barhai Tre Dar Ke

Allah ne yun shan barhai tre dar ke

bakhshi hai malaik ko gadayi tre dar ke

pane ko to Khursheed o qamar charkh ne paye

kya paya agar khak na payi tre dar ke

jannat ne utare to bohot noor ke naqshe

tasweer magar hath na aayi tre dar ke

Huron ne, malaik ne, ajna ne, bashar ne

Kis kis ne kahan bhik na payi tre dar ke

Allah ke ghar se hai rasai tre dar tak

Allah ke ghar tak hai rasai tre dar ke

Le jaye gi ek din mujhe Taiba mein uda kar

Jis waqt hawa jhoom kar aayi tre dar ke

Mahshar mein bhi is shan se jaon ga Manawar

Rakhke hue kandhe pe chatai tre dar ke