Allah Ne Pehunchaya Sarkar Ke Qadmon Mein

Allah ne pehunchaya Sarkar ke qadmon mein

Sad shukar mein phir aaya Sarkar ke qadmon mein

Kuch dair salami ko thehraya mavajah par

Phir mujh ko adab laaya Sarkar ke qadmon mein

Rad kaise bhala hogi ab koi dua meri

Mein Rab ko pukar aaya Sarkar ke qadmon mein

Kuch lamhe huzoori ke paye to ye lagta hai

Ek umr guzar aaya Sarkar ke qadmon mein

Kuch kehne se pehle hi poori hui har khwahish

Jo socha wahi paya Sarkar ke qadmon mein

Sarkar salami ko har saal talab kije

Ye arz bhi kar aaya Sarkar ke qadmon mein

Yaad aayi Sabih apni har ek khata mujh ko

Aamaal pe sharm aaya, Sarkar ke qadmon mein