Allah Allah Ke Nabi Se
Allah Allah Ke Nabi Se
Allah Allah ke Nabi se
Faryaad hai nafs ki badi se
Din bhar khelon mein khaak oorai
Laaj aai na zaron ki hansi se
Shab bhar sone hi se gharz thi
Taron ne hazaar daant pese
Iman pe maut behtar o nafs
Teri naapak zindagi se
O shehad namaaye zehr dar jaam
Gum jaoon kidhar teri badi se
Gehre pyaare purane dil soaz
Guzra mein teri dosti se
Tujh se jo uthaye main ne sadme
Aise na mile kabhi kisi se
Uff re khudkam be-murwwat
Pardta hai kaam aadmi se
Tu ne hi kiya Khuda se nadim
Tu ne hi kiya khajal Nabi se
Kaise aaqa ka hukm taala
Hum mar mite teri khudsari se
Aati na thi jab badi bhi tujh ko
Hum jaante hain tujhe jabhi se
Hadd ke zaalim sitam ke kattar
Pathar sharmaaye tere ji se
Hum khaak mein mil chuke hain kab ke
Nikla na ghubaar tere ji se
Hai zaalim! main nibhahon tujh se
Allah bachaaye is ghari se
Jo tum ko na jaanta ho huzoor
Chaalen chaliye us ajnabi se
Allah ke samne wo gun the
Yaaron mein kaise muttaqi se
Rahzan ne loot li kamaai
Faryaad hai Khizr Hashmi se
Allah kuen mein khud gira hoon
Apni naalish karoon tujhi se
Hain pusht-e panah Ghaus-e-Azam
Kyun darte ho tum Raza kisi se