Ali Ke Ishq Ka Beemar Beemar-e Muhammadؐ Hai

Ali ke ishq ka beemar beemar-e Muhammadؐ hai

Ali ka chahne wala talabgaar-e Muhammadؐ hai

Ali ki guftagu wallah guftaar-e Muhammadؐ hai

Ali al-Murtaza ki deed deedaar-e Muhammadؐ hai

Zamana jaanta hai aap ne kya kya nahi paaya

Kisi ne bhi nahi paaya jo paaya aap ne paaya

Husainؓ ibn Ali ke sar pe hai Allah ka saaya

Gadaaye koocha-e Shabbir dildar-e Muhammadؐ hai

Sakhi aise ke jin par khud sakhaawat naaz karti hai

Imaam aise ke jin par khud imaamat naaz karti hai

Shaheed aise ke jin par khud shahadat naaz karti hai

Jo sach poocho to ye darbaar darbaar-e Muhammadؐ hai

Mite aise ke mit kar phir shujaat zinda kardi

Hamiyat zinda kar di sadaqat zinda kar di

Rasool-e-Pakؐ ki aazam shariat zinda kar daali

Ise kehte hain aashiq ye wafadaar-e Muhammad hai