Ali Ali Irfan Ka Dar Hai, Ali Goya Wali Gar Hai

Ali Ali irfan ka dar hai, Ali goya wali gar hai

Ali masti ka sagar hai, Ali waris-e-paimbar hai

Durood un par salam un par Ali jin ka baradar hai

Ali tathir ka paikar Ali itrat ka shouhar hai

Ali ka naam Asad Allah Ali ka chehra wajh Allah

Yad Allah hai Ali Allah, Ali millat ka rehbar

Ali asl-e-shahadat hai, Ali sajdon ki azmat hai

Kahin Shabbir ka sajda, kahin sajde mein Shabar hai

Nabi khatam-e-nabuwat ka, Ali khatam-e-khilafat ka

Nabi ka kon hai hum sar, Ali ka kon hum sar hai

Ali ki shaan yaktai humein har ja nazar ayi

Kahin Marhab, kahin Khaibar, kahin nok-e-sinan sar hai

Nabi zat-e-noor Allah, Ali hai noor ka sheeda

Ali hai shahid-e-awla, Ali ka kaabe mein ghar hai

Main hun Wasif Ali ward-e-Ali hai mera afsana

Mujhe hai kam sajdon se Ali ke dar mera sar hai