Alamaan Qahr Hai Ae Ghauth Woh Teekha Tera
Alamaan Qahr Hai Ae Ghauth Woh Teekha Tera
alamaan qahr hai ae ghauth woh teekha tera
mar ke bhi chain se sota nahi mara tera
badalon se kahin rukti hai kadakti bijli
dhalen chhanat jati hain uthta hai jo teega tera
aks ka dekh ke munh aur baphar jata hai
chaar aaina ke bal ka nahi neza tera
koh sarmukh ho to ek waar mein do par kale
haath padta hi nahi bhool ke oochha tera
is pe ye qahr ke ab chand mukhalif tere
chahte hain ke ghata dein kahin paya tera
aql hoti to khuda se na larai lete
ye ghataen ise manzoor barhana tera
wa rafanaa laka zikrak ka hai saya tujh par
bol bala hai tera zikr hai ooncha tera
mit gaye mitte hain mit jaenge adda tere
na mita hai na mitega kabhi charcha tera
tu ghatae se kisi ke na ghata hai na ghate
jab barhaye tujhe Allah ta'ala tera
summi qatil hai khuda ki qasam un ka inkaar
munkir-i fazli huzoor aah ye likha tera
mere saiyaaf ke khanjar se tujhe baak nahi
cheer kar dekhe koi aah kaleja tera
ibn-i zahr ise tere dil mein hain ye zahr bhare
bal be o munkir-i be baak ye zahra tera
baaz-i ashab ki ghulami se ye aankhein phirni
dekh ur jaega imaan ka tota tera
shaakh par baith ke jar kaatne ki fikr mein hai
kahin neechana dikhaye tujhe shajara tera
haq se bad ho ke zamana ka bhala banta hai
are mein khoob samajhta hoon muamma tera
sag-i dar qahr se dekhe to bikharata hai abhi
band band-i badan ae ruba duniya tera
gharaz aaqa se karoon arz ke teri hai panaah
banda majboor hai khatir pe hai qabza tera
hukm naafiz hai tera khaamah tera saif teri
dam mein jo chahe kare daur hai shaha tera
jis ko lalkaar de aata ho to ulta phir jaye
jis ko chamkaar le har phir ke woh tera tera
kunjiyaan dil ki khuda ne tujhe deen aisi kar
ke ye seena ho mohabbat ka khazina tera
dil pe kunda ho tera naam ke woh duzd-i rajeem
ulte hi paon phire dekh ke tughra tera
na'za mein, gaur mein, mezaan pe, sar-i pul pe kahin
na chhute haath se daaman-i mualla tera
dhoop mahshar ki woh jaan soz qayamat hai magar
mutmain hoon ke mere sar pe hai plla tera
bahjat us sar ki hai jo "bahjat ul asrar" mein hai
ke falak waar muridon pe hai saya tera
ae raza chist gham ar jumla jahaan dushman-i tust
kurda am ma man-i khud qibla-e haajat-e ra