Aisa Koi Mehboob Na Hoga Na Kahin Hai

Aisa koi mehboob na hoga na kahin hai

Betha hai chattai pe magar arsh nasheen hai

Milta nahi kya kya do jahan ko tere dar se

Ik lafz nahi hai ke tere lab pe nahi hai

Hain tere hawa khwahon mein mursal bhi nabi bhi

Konain tere zeere asar zeere nageen hai

Tu chahe to har shab ho misal-e-shab-e-izra

Tere liye do chaar qadam arsh-e-bareen hai

Har ek ko maisar kahan us dar ki ghulami

Us dar ka to darbaan bhi Jibreel-e-Amin hai

Rukte hain yahin aa ke qadam ahl-e-nazar ke

Is kooche se aage na zamaan hai na zameen hai

Ae Shah-e-Zaman ab to ziarat ka sharaf de

Bechain hain aankhein meri betaab jabeen hai

Dil girya kunaan aur nazar soo-e-Madina

Aazam tera andaaz-e-talab kitna haseen hai