Agar Main Ahd-e-Risalat Maab Mein Hota
Agar Main Ahd-e-risalat Maab Mein Hota
Agar main ahd-e-risalat maab mein hota
Zaroor halqa aali janab ﷺ mein hota
Jo meri soch mehakti sana ke phoolo se
To har amal mera shamil sawab mein hota
Mere sawal ki laknat pe muskurate Huzoor ﷺ
Karam ka behta samandar jawab mein hota
Agar eaanat-e-deen ke liye bulate Huzoor ﷺ
To mera haath bhi dast-e-janab ﷺ mein hota
Main aik aik sada par lipat'ta qadmon se
Jo mera naam bhi shamil khitab mein hota
Main aankh khol ke phir khawab ki dua karta
Mera naseeb jo bedaar khawab mein hota
Main jaan apni nichawar Huzoor ﷺ par karta
Mera bhi zikr shaheedon ke bab mein hota