Ae Rasool Ameen Khatam Al Mursaleen, Tujh Sa Koi Nahi Tujh Sa Koi Nahi

Ae Rasool Ameen Khatam al Mursaleen, tujh sa koi nahi tujh sa koi nahi

Hai aqeedah ye apna ba sadaq o yaqeen, tujh sa koi nahi tujh sa koi nahi

Dast e qudrat ne aisa banaya tujhe, jumla ausaf se Khud sajaya tujhe

Ae azal ke haseen ae abad ke haseen, tujh sa koi nahi tujh sa koi nahi

Bazm e kounain pehle sajai gayi, phir teri zaat manzar pe laai gayi

Syed al awwaleen Syed al aakhireen, tujh sa koi nahi tujh sa koi nahi

Tera sikka rawaan kal jahan mein hua, is zameen mein hua aasmaan mein hua

Kya arab kya ajam sab hai zeere nageen, tujh sa koi nahi tujh sa koi nahi

Tere andaaz mein wasatein farsh ki, teri parwaaz mein rufatein arsh ki

Tere anfaas mein khuld ki yasmeen, tujh sa koi nahi tujh sa koi nahi

Sidratal Muntaha reh guzar mein teri, qaab e qausain gird safar mein teri

Tu hai Haq ke qareen Haq hai tere qareen, tujh sa koi nahi tujh sa koi nahi

Kahkashan zo tere sarmadi taaj ki, zulf tabaan haseen raat e mi'raaj ki

Lailatul Qadr teri munawwar jabeen, tujh sa koi nahi tujh sa koi nahi

Mustafa Mujtaba teri madah o sana, mere bas mein nahi dastaras mein nahi

Dil ko himmat nahi lab ko yaara nahi, tujh sa koi nahi tujh sa koi nahi

Koi batlayae kaise saraapa likhun, koi hai wo ke mein jis ko tujh sa kahun

Tobah tobha nahi koi tujh sa nahi, tujh sa koi nahi tujh sa koi nahi

Chaar yaron ki shaan jali hai bhali, hain ye Siddique Farooq Usman Ali

Shaahid e ‘Adl hain ye tere ja-nasheen, tujh sa koi nahi tujh sa koi nahi

Ae saraapa nafees anfus do jahan, Sarwar-e-dilbaran dilbar-e-‘ashiqaan

Dhoondhti hai tujhe meri jaan hazine, tujh sa koi nahi tujh sa koi nahi