Ae Madine Ke Tajdar Tujhe
Ae Madine Ke Tajdar Tujhe
Ae Madine ke Tajdar tujhe
Ahl-e-Imaan salaam kehte hain
Tere 'ush-shaaq tere dewane
Jaan-e-Janaan salaam kehte hain
Jo Madine se door rehte hain
Hijr o furqat ka ranj sahte hain
Woh talab gaar-e-deed ro ro kar
Ae meri jaan salaam kehte hain
Jin ko duniya ke gham satate hain
Thokrain dar badar ki khate hain
Gham naseebon ke charah gar tum ko
Woh pareshan salaam kehte hain
Door duniya ke ranj o gham kar do
Aur seene mein apna gham bhar do
Un ko chashman-e-tar ata kar do
Jo bhi Sultaan salaam kehte hain
Jo tere ishq mein tadapte hain
Haazri ke liye taraste hain
Izn-e-Taiba ki aas mein aaqa
Woh pur armaan salaam kehte hain
Tere rozae ki jaaliyon ke paas
Aaqa rehm o karam ki le kar aas
Kitne dukhiaray roz aa aa ke
Shaah-e-Zeeshaan salaam kehte hain
Arzoo-e-Haram hai seene mein
Ab to bulwaayiye Madine mein
Tujh se tujh hi ko maangte hain
Jo woh Musalman salaam kehte hain
Rukh se parde ko ab uthaa dije
Apne kadmon se ab laga lije
Aah! Jo nekion se hain yaksar
Khali daaman salaam kehte hain
Aap Attar kyun pareshan hain?
Bad se badtar bhi zair-e-daaman hain
Un pe rehmat woh khaas karte hain
Jo Musalman salaam kehte hain