Ae Khawar-e-Hijaaz Ke Rakhshanda Aaftaab
Ae Khawar-e-Hijaaz Ke Rakhshanda Aaftaab
Ae khawar-e-hijaaz ke rakhshanda aaftaab
Subah azl hai teri tajalli se faiz yaab
Zeent azl ki hai tu hai ronak abad ki tu
Dono me jalwa reez hai tera hi rang o aab
Chuma hai qudsiyon ne tere aastane ko
Thami hai aasman ne jhuk kar teri rukaab
Shaayaan hai tujh ko sarwar-e-konain ka laqab
Naazaan hai tujh pe rehmat-e-darain ka khitaab
Barsa hai sharq o gharb pe abr-e-karam tera
Aadam ki nasal par tere ehsaan hain be hisaab
Paida hui na teri moakhaat ki nazeer
Laaya na koi teri masavaat ka jawab
Khair-ul-bashar hai tu, tu hai khair-ul-umam wo qoum
Jis ko hai teri zaat-e-garaami se intisaab
Yasrab ke sabz poday se bahir nikal kar
Dono dua ke hathon ba-sad karb o iztiraab
Duniya ke goshe goshe mein hai, garchay aaj kal
Ummat teri raheen sitam haaye be hisaab
Haq se ye arz kar ke tere na-saza ghulaam
Uqba mein surkhro hon to duniya mein kaamyaab