Ae Khatam Rusal Makki Madani Konain Mein Tum Sa Koi Nahin

Ae khatam rusal makki madani konain mein tum sa koi nahin

Ae noor e mujassim tere siwa mehboob e khuda ka koi nahin

Ausaf to sab ne paye hain par husn sarapa koi nahin

Adam se janab e Esa tak sarkar ke jaisa koi nahin

Ye shan tumhari hai aaqa tum arsh e bareen par pohanchay ho

Zeeshan nabi hain sab lekin me'raj ka dolha koi nahin

Dil kis ko dikhayen cheer ke hum isyan ka madawa kaun kare

Ae rehmat e aalam tere siwa dukhiyon ka maseeha koi nahin

Khairat e Muhammad se paakar is naz se kehte hain mangtay

Dukhiyon pe karam karne wala sarkar se achha koi nahin

Maalik hain woh dono aalam ke har zarra munawwar hai in se

Tanweer e mujassim syed e kul aaqa ke ilawa koi nahin

Ho jaye agar ik chashm e karam, mahshar mein fana ki laaj rahe

Ae shaf’e mahshar tere siwa bakhshish ka waseela koi nahin