Ae Kaash Ke Aa Jaye Attar Madine Mein
Ae Kaash Ke Aa Jaye Attar Madine Mein
Ae kaash ke aa jaye Attar Madine mein
Bulwa lo Khudaara! Ab Sarkar Madine mein
Kab tak main phiroon dar dar marne bhi do ab Sarwar!
Dahleez pe sar rakh kar Sarkar Madine mein
Roze ke qareeb aakar gir jaoon main ghash khaakar
Ho jaye tumhara phir deedaar Madine mein
Roti hui aankhon se betaab nigaahon se
Ho Gunbad-e-Khazra ka deedaar Madine mein
Duniya ke ghamon ki tum Lillah dawa de do
Bulwa ke gham apna do Sarkar Madine mein
Mil jaye shifa usko Darbaar-e-Muhammad se
Aa jaye jo koi bhi beemaar Madine mein
Ho “Dawat-e-Islami” ki dhoom machi har soo
Tarkeeb ho markaz ki Sarkar Madine mein
Thehro ge shafa’at ke haqdaar yaqeenan tum
Aa jao gunehgaaro! Ik baar Madine mein
Ikhlaas ata kar do aur khulq bhala kar do!
Bulwa ke Shahenshah-e-Abrar Madine mein
Be-ja na hansi aaye sanjeeda bana deeje
Bulwa ke Shahenshah-e-Abrar Madine mein
Allah ki ulfat do aur apni muhabbat do
Bulwa ke Shahenshah-e-Abrar Madine mein
Betaab jigar de do aur aankh bhi tar de do
Bulwa ke Shahenshah-e-Abrar Madine mein
Is 'nafs-e-sitamgar' ko qaabu mein mere kar do!
Bulwa ke Shahenshah-e-Abrar Madine mein
Duniya ki muhabbat se dil paak mera kar do
Bulwa ke Shahenshah-e-Abrar Madine mein
Rona bhi sikha do aur sikha do tarapna bhi
Bulwa ke Shahenshah-e-Abrar Madine mein
Aankhon mein sama jao seene mein utar aao
Bulwa ke Shahenshah-e-Abrar Madine mein
Jalwon se dil-e-veeraan aabaad karo Jaana
Bulwa ke Shahenshah-e-Abrar Madine mein
Sagg apna mujhe keh do, qadamoon mein mujhe rakh lo
Bulwa ke Shahenshah-e-Abrar Madine mein
Qadmon se laga lo tum deewana bana lo tum
Bulwa ke Shahenshah-e-Abrar Madine mein
Qismat meri chamka do, turbat meri banwa do
Bulwa ke Shahenshah-e-Abrar Madine mein
Ramzan ki bahaaren ho, Tayba ki fazaayein ho
Aur jhoomta phirta ho Attar Madine mein