Ae Ishq-e-Nabi Mere Dil Mein Bhi Sama Jana
Ae Ishq-e-Nabi Mere Dil Mein Bhi Sama Jana
Ae ishq-e-nabi mere dil mein bhi sama jana
Mujh ko bhi Muhammad ka deewana bana jana
Jo rang ke Jami par Rumi pe charhaya tha
Us rang ki kuch rangat mujh pe bhi charha jana
Qudrat ki nigahein bhi jis chehre ko takti thin
Us chehra-e-anwar ka deedar kara jana
Jis khwab mein ho jaye deedar-e-nabi hasil
Ae ishq kabhi mujh ko neend aisi sula jana
Deedar-e-Muhammad ki hasrat to rahe baqi
Juz is ke har ek hasrat is dil se mita jana