Aansu Meri Aankhon Mein Nahi Aaye Huwe Hain

Aansu meri aankhon mein nahi aaye huwe hain

Darya teri rehmat ke yeh lehraye huwe hain

Allah ri haya hashr mein Allah ke aage

Hum sab ke gunahon pe wo sharmaaye huwe hain

Maine chaman khuld ke phoolon ko bhi dekha

Sab aage tere chehre ke murjhaye huwe hain

Bhaata nahi koi, nazar aata nahi koi

Dil mein wahi aankhon mein wahi chhaye huwe hain

Roshan huwe dil par to rukhsar Nabi ﷺ se

Yeh zarre usi mehr ke chamkaye huwe hain

Shahon se wahi kya jo gada hain tere dar ke

Yeh ae Shah-e-khuban teri shah paye huwe hain

Aaye hain jo wo bekhudi e shauq ko sun kar

Is waqt Ameer aap mein hum aaye huwe hain