Aankhon Ko Justaju Hai To Tayba Nagar Ki Hai

Aankhon ko justaju hai to Tayba nagar ki hai

Dil ko jo aarzu hai to Khair ul Bashar (SAW) ki hai

Paali hai maine Deen-e-Muhammad (SAW) ki seedhi raah

Ilyas ki talaash na haajat Khizr ki hai

Sarkar (SAW) ki nazar hai sabhi kuchh mere liye

Mujh ko talab na jaah ki na seem o zar ki hai

Jalwe base hain aankh mein Mah-e-Hijaz ke

Ab kya meri nigah mein taabish qamar ki hai

Ya zikr hai muruwwat o khulq Huzoor (SAW) ka

Ya baat bu-e-gul ki naseem-e-sehar ki hai

Aaqa ki chashm-e-lutf o inayat se poochhiye

Taib (RA) jo manzilat meri is chashm-e-tar ki hai