Aankh Gulabi Mast Nazar Hai
Aankh Gulabi Mast Nazar Hai
Aankh gulabi mast nazar hai
Allah hi jane kon bashar hai
Hoor o malaik hazir-e khidmat
Arsh-e mualla rah guzar hai
Gesu-e mushkin rooh-e muzammil
Rukh pe tulu-e noor-e sehar hai
Mathay pe roshan roshan sehra
Jalwa-e rangeen husn-e qamar hai
Abro-e aali ayah-e Qur'an
Sina-e aqdas kan-e gahar hai
Mohr-e nabuwat pusht panahi
Masnad-e yazdan aap (S.A.W) ka ghar hai
Chaand sitare naqsh kaf-e pa
Manzil-e hasti gird-e safar hai
Sabr o qanat shan-e risalat(S.A.W)
Satwat-e shahan zair asar hai
Ghar-e Hira thi is ki kamai
Sari khudai jis ka samar hai
Naam-e Muhammad(S.A.W) jag ujiala
Log kahen jise Kamli Wala