Aaj Hai Jashn-e-Wiladat Marhaba Ya Mustafa
Aaj Hai Jashn-e-wiladat Marhaba Ya Mustafa
Aaj hai jashn-e-wiladat marhaba ya Mustafa
Aaj aaye jaan-e-rehmat marhaba ya Mustafa
Marhaba mehr-e-risalat marhaba ya Mustafa
Marhaba maah-e-nubuwat marhaba ya Mustafa
Aamad-e-shah-e-madina marhaba sad marhaba
Marhaba aye jaan-e-rehmat marhaba ya Mustafa
Marhaba aaqa ki aamad marhaba noor-e-khuda
Ho gai kafoor zulmat marhaba ya Mustafa
Aaj duniya mein wiladat Mustafa ki ho gayi
Khoob chamki apni qismat marhaba ya Mustafa
Kaaba sajde ko jhuka but sare oondhe gir pare
Aa gayi shaitan ki shamat marhaba ya Mustafa
Aa gaye sarkar har soo barish-e-anwaar hai
Jhoomte hain abr-e-rahmat marhaba ya Mustafa
Chaar soo hain rehmaton ki kya cham cham barishain!
Aaye lamhaat-e-masarrat marhaba ya Mustafa
Marhaba ki dhoom daalo sab pukaro marhaba
Jhoom kar ahl-e-muhabbat marhaba ya Mustafa
Aaj ghar ghar roshni hai sabz parcham hain buland
Jhoomte hain ahl-e-sunnat marhaba ya Mustafa
Eid-e-milad-un-nabi to eid ki bhi eid hai
Shaadmaan hai khudmasarrat marhaba ya Mustafa
Jashn-e-milad-un-nabi ki dhoom hai chaaron taraf
Mast hain ahl-e-muhabbat marhaba ya Mustafa
Khoob gaati thin tarane daf baja kar bachiyan
Har taraf kehti thi khalqat marhaba ya Mustafa
Aa gayi utthoo sawari aamna ke laal ki
Un se mango un ki ulfat marhaba ya Mustafa
Le ke kashkol aye fakiaro aamna ke ghar chalo
Maang lo jo chaho naimat marhaba ya Mustafa
Ya Nabi! apni wiladat ki khushi mein dijiye
Khuld mein apni rafaqat marhaba ya Mustafa
Wasta tum ko wiladat ka madine mein jagah
Mujh ko deedo bahr-e-turbat marhaba ya Mustafa
De do tum Attar ko eidee mein chashm-e-ashkbar
Apna gham do apni ulfat marhaba ya Mustafa