Aah Ab Waqt-e-Rukhsat Hai Aaya
Aah Ab Waqt-e-Rukhsat Hai Aaya
Aah ab waqt-e-rukhsat hai aaya
Alvida aah Shah-e-Madina
Sadma-e-hijr kaisay sahoon ga
Alvida aah Shah-e-Madina
Bay qarari barri ja rahi hai
Hijr ki ab ghari a rahi hai
Dil hua jata hai para para
Alvida aah Shah-e-Madina
Kis tarah shauq se main chala tha
Dil ka ghuncha khushi se khila tha
Aah! Ab chhoot'ta hai Madina
Alvida aah Shah-e-Madina
Koo-e-janan ki rangeen fazao!
Ae mutattar muanbar hawaao!
Lo salam aakhri ab hamara
Alvida aah Shah-e-Madina
Kaash! Qismat mira saath deti
Maut bhi yawari meri karti
Jaan qadmon pe qurban karta
Alvida aah Shah-e-Madina
Soz-e-ulfat se jalta rahoon main
Ishq mein tere ghulta rahoon main
Chaahay deewana samjhe zamana
Alvida aah Shah-e-Madina
Main jahan bhi rahoon mere aaqa
Ho nazar mein Madine ka jalwa
Iltija meri maqbool farma
Alvida aah Shah-e-Madina
Kuch na husn-e-amal kar saka hoon
Nazr chand ashk main kar raha hoon
Bas yehi hai mera kul asasa
Alvida aah Shah-e-Madina
Aankh se ab hua khoon jari
Rooh par bhi hua ranj taari
Jald Attar ko phir bulana
Alvida aah Shah-e-Madina