Aaeena Khane Use Aks-e-jali Kehte Hain
Aaeena Khane Use Aks-e-jali Kehte Hain
Aaeena khane use aks-e-jali kehte hain
Lehja-e-ishq mein waliyon ka wali kehte hain
Door tak pheli hai tareekh mein us ki khushbu
Us ki benaai ke sholay ko kali kehte hain
Zahe taqdeer ke us ka wo muallim thehra
Jis ki parchhain ko noor-e-azali kehte hain
Ilm ke shehar ka darwaza laqab hai us ka
Us ki har saans ko hikmat ki gali kehte hain
Harf harf usko parha main ne to maloom hua
Lughat-e-deen-e-Muhammad (SAW) ko Ali kehte hain