Aaah! Madani Qafila Ab Ja Raha Hai Laut Kar
Aaah! Madani Qafila Ab Ja Raha Hai Laut Kar
Aaah! Madani qafila ab ja raha hai laut kar
Koi dil thaame khada hai koi hai bachasm-e-tar
Sunnat-o ki tarbiyat ke qafilon ke qadr dan
Jab palat’tay hain gharon ko rote hain woh phoot kar
Kis qadr khush thay nikal kar chale gaye thay ghar se jab
Ab udasi chha rahi hai haaye! Apne qalb par
Fikr thi ghar ki na koi fikr kaarobaar ki
Lutf khoob aata tha hum ko masjidon mein baith kar
Jate hi duniya ke jhagray phir gale parh jaai’n ge
Kya karein nachar hain qaabu nahi halaat par
Bajamaat sab namazain aur tahajjud ke maze
Itni aasaani se phir mil jaae’n ge kya ja ke ghar?
Ya Khuda! Nikloon mein madani qafilon ke saath kaash!
Sunnat-o ki tarbiyat ke waaste phir jald tar!!
Haaye! Saara waqt mera ghaflaton mein kat gaya
Aaah! Kab ho ga muyassar phir mubarak yeh safar
Madani mahol aur madani qafile walon ki kuch
Bhi na ki hai qadr haaye! Hoon mein nadan kis qadr
Masjidon ka kuch adab haaye! Na mujh se ho saka
Az tafael-e-Mustafa farma ilahi dar guzar
Aah! Shaitaan har ghari har waqt ghalib hi raha
Aadat-e-‘isyaan ne rakh di tod kar haaye! Kamar
Khoob khidmat sunnat-on ki hum sada karte rahein
Madani mahol ae Khuda hum se na chhoote umar bhar
Is ilaqay wale saaray bhaiyon ka shukriya
Saath jo dete rahe hain qafile ka sar-e-basar
Sunnat-on ki tarbiyat ke waaste nikla tha mein
Haaye par sota raha ghaflat ki chadar taan kar
Ya Rasool-Allah apne dar pe ab bulwaiye
Ho naseeb aaqa hamein meethay Madeene ka safar
Hai dua ‘Attar ki: “Is ki ho hatmi maghfirat”
Qafilon mein umar bhar karta rahe jo bhi safar