Hum Jitni Bhi Tareef Karein Teri Baja Hai

Hum jitni bhi tareef karein teri baja hai

Bas zaat teri laayak touseef-o-sana hai

Yeh chaand sitaare hain tere noor ka par to

Khursheed ki kirnoon mein tu hi jalwa numa hai

Jhuktay hain tere saamne sab ins-o-malaaik

Tu khaaliq-o-maalik hai tu hi sab ka khuda hai

Waaqif hain jo hain saahib irfaan-o-haqeeqat

Har ahl-e-baseerat pe tera raaz khula hai